កំពង់ស្ពឺ៖ រដ្ឋបាលខេត្តកំពង់ស្ពឺ បានសហការជាមួយមន្ទីវប្បធម៌និងវិចិត្រសិល្បៈខេត្ត និងសហភាពសហព័ន្ធយុវជនកម្ពុជាខេត្តរួមគ្នា រៀបចំព្រឹត្តិការណ៍ប្រណាំងរទេះសាឡីគោលឿនឆ្នាំ២០២៣ ចាប់ពីម៉ោង៨ព្រឹកថ្ងៃទី២ ខែមេសា ឆ្នាំ២០២៣។
ព្រឹត្តិការណ៍ប្រណាំងរទេះសាឡីគោលឿន នឹងធ្វើឡើងនៅលើដីឡូត៍ លោកស្រី ជិន សុវណ្ណឌី សង្កាត់រការធំ ក្រុងច្បារមន តាមបណ្ដោយ ផ្លូវជាតិលេខ៤ ត្រង់ចន្លោះបង្គោលគីឡូម៉ែត្រលេខ៤៣-៤៤ ទល់មុខស្ថានីយប្រេងឥន្ធនៈ PTT។
ការប្រណាំងរទេះសាឡីគោលឿន ជាប្រពៃណីទំនៀមទម្លាប់ដែលខេត្តកំពង់ស្ពឺតែងតែធ្វើឡើងជាយូរលល់មកហើយ ហើយកម្មវិធីនេះធ្វើឡើងមុនចូលឆ្នាំប្រពៃណីខ្មែរ។ ដូច្នេះរដ្ឋបាលខេត្តកំពង់ស្ពឺបានអំពាវនាវឱ្យពលរដ្ឋចូលរួមទស្សនាកម្សាន្តឱ្យបានច្រើនកុះករ៕
